Botim i vecantë nga fusha e arteve muzikore, prof. Kushtrim Jakupi boton librin “Modaliteti – Veçoritë thelbësore në folklorin muzikor shqiptar”.
Pas një pune të përkushtuar më shumë se 5-vjeçare, me një material të pasur nga folklori jonë i bukur muzikor, me afër 300 shembuj notal të analizuar, profesori i muzikës, njëherit drejetor i Shkollës së Muzikës në Gjilan, Dr. Kushtrim Jakupi, ka botuar librin “Modalitete – vecoritë thelbësore në folklorin muzikor shqiptar”.
Sipas tij, materiali trajton kryesisht shkallët muzikore dhe prezencën e tyre në të gjitha format, duke filluar nga ato të thjeshta në shtrirje deri te ato më komplekse, pastaj “shkallët e vjetra kishtare”, llojet e shumta të “makameve”, si dhe prezencën e tyre në folklorin tonë muzikor.
Si pjesë e veçantë e materialit paraqitet edhe pentatoni si strukturë e isopolifonisë shqiptare me të gjitha variantet e tyre.
Në pjesën përmbyllëse të botimit, sipas Dr. Jakupit, trajtohet edhe prezenca e folklorit muzikor në krijimtarinë artistike të kompozitorëve shqiptarë dhe në veçanti te kryeveprat shqiptare artistike si dhe në krijimtarinë e kompozitorëve ikonik shqiptar, si Lorenc Antoni, Çesk Zadeja, Feim Ibrahimi dhe Rafet Rudi.
“Materiali i përfshirë në botim është punuar kryesisht gjatë studimeve të doktoratës dhe në këtë drejtim një falënderim i veçantë shkon për mentorin tim prof. Vasil Sofokli Tole”, ka njoftuar Prof. Jakupi.
Ai ka falënderuar recensentët, prof. Adhurim Rasimi, dhe babain e tij, profesorin e nderuar Isa Jakupi, për të cilin thotë se ka qenë mbëhstetja permanente e rrugëtimit professional të tij, sikurse edhe pjesa tjetër e familjes që I ka qëndruar prore afër për ta mbështetur nëpër sfidat e rrugëtimit professional.
Promovimi u realizua në kuadër të aktiviteteve të “Prishtina Arts and Architecture Festival” PAFF pranë Kolegjit AAB, kurse botimi u mbështet nga Ministria e Kulturës, Rinisë dhe Sportit.
