Aksident mes dy veturave te konviktet në Prishtinë, lëndohen gjashtë persona
Gjashtë persona kanë mbetur të lënduar si pasoj e një aksidenti mes dy veturave në udhëkryqin afër konvikteve në Prishtinë.
Lajmin për media e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha Ahmeti.
