Xhaka dhe Leverkuseni mund të shkruajnë histori sot në Bundesliga
Bayer Leverkusen është një fitore larg për t’u kurorëzuar me titullin kampion të Bundesligës.
Djelmoshat e Xabi Alonsos mund ta arrijnë këtë ditën e sotme, kur ata presin në shtëpi skuadrën e Werder Bremenit.
Për Leverkusenin kjo mund të jetë një ditë historike, pasi me një fitore ata do të shpalleshin kampionë të Bundesligës për herë të parë në histori 120-vjeçare të klubit.
Leverkusen pritet ta thyejë hegjemoninë e Bayern Munich, të cilët kanë fituar Bundesligën në secilën nga 11 sezonet e fundit.
Ata ndodhen pastër 13 pikë nga përcjellësi Bayern dhe një triumf potencial tani është vetëm çështje kohe.
Rekordi i Leverkusen këtë sezon ka qenë mbresëlënës, ku në 28 xhiro ka arritur 24 fitore, 4 barazime e asnjë humbje.
