Menagjmenti i Spitalit të Përgjithshëm në Gjilan takon drejtorin e Përgjithshëm të SHSKUK, Mr. Ph. Elvir Azizin
Menagjmenti i Spitalit të Përgjithshëm në Gjilan sot kishin një takim pune me Drejtorin e Përgjithshëm të SHSKUK Mr.Ph.Elvir Azizin.
“Për nje vizite pune në Spitalin e Përgjithshëm Gjilan sot kishim kënaqësinë të prisnim drejtorin e Përgjithshëm të SHSKUK Mr. Ph. Elvir Azizin i cili ishte i shoqëruar nga drejtori i Klinikës së Kirurgjisë së Fëmijëve në QKUK Dr. Ardian Shefkiu”, shkruan faqja zyrtare e këtij institucioni, raporton Tv Gjilani.
Drejtori ekzekutiv i Spitalit të Përgjithshëm Gjilan Dr. Arsim Emini njoftoj Z. Azizi më për së afërmi me punën e cila po bëhet në Spitalin e Përgjithshëm të Gjilanit, sfidat, planet dhe projektet të cilat na presin në këtë vit dhe në vitet në vijim konform Kornizës Afatmesme të Shpenzimeve.
Drejtori i Spitalit Dr. Arsim Emini së bashku me drejtorin Klinik Dr. Ruzhdi Kadriu, Drejtoreshën e infermierisë Msc.Vlora Shalaj dhe Drejtorin e Administratës Msc. Sevdail Ahmeti, e njoftuan delegacionin nga SHSKUK me nevojat e Spitalit të Gjilanit për kuadro të reja dhe përpjekjet të cilat po bëhen në ngritjen e kualitetit dhe sigurisë së shërbimeve shëndetësore në Spitalin e Gjilanit.
Nga ana tjetër, Drejtori i SHSKUK Z. Elvir Azizi na njoftoi me disa pika të riorganizimit të shërbimeve në kuadër të spitaleve dhe të SHSKUK si tërësi të cilat do të jenë në harmoni me statutin e ri të SHSKUK, si dhe disa aspekte të tjera të zhvillimit të nivelit sekondar të shëndetësisë.
Në fund delegacioni nga SHSKUK vizitoi repartin e Biokimisë ku u njoftuan për së afërmi me punën që bëhet aty, paisjet, kuadrin dhe nevojat e këtij reparti.
