Lista Serbe fton serbët për protestë të hënën në Mitrovicë të Veriut kundër ndalimit të dinarit
Lista Serbe ka ftuar të gjithë qytetarët e këtij komuniteti që të hënën të protestojnë në Mitrovicë të Veriut.
Protesta do të mbahet për ta kundërshtuar vendimin e Bankës Qendrore të Kosovës ndalimin e përdorimit të dinarit si mjet pagese.
“Lista Serbe mbështet protestat në Mitrovicë të Veriut, të paralajmëruara nga shoqata e pensioniste dhe në të njëjtën kohë ftojmë të gjithë qytetarët nga Kosova që të hënën më datën 12 shkurt nga ora 12:00 të marrin pjesë në këtë protestë demokratike kundër vendimit të regjimit në Prishtinë për të ndaluar dinarin dhe pagesat”, thuhet në njoftimin e Listës Serbe.
Më tej apelohet që protesta të jetë sa më masive, me qëllim që të ketë jehonë më të madhe.
Është me rëndësi të madhe që Prishtinës t’i tregojmë në numër të madh se i kundërshtojmë këto vendime antiserbe dhe se duam të rrimë në paqe dhe të jetojmë në vatrat tona shekullore”, përfundon njoftimi.
