Arrestohet personi i cili tentoi të kryejë vetëvrasje mbi digën e liqenit të Livoçit, Policia: Njihet si recidivist i dhunës në familje
Personi 40 vjeçar i cili mbrëmjen e së premtes tentoi të kryejë vetëvrasje duke hipur në murin e pendës së liqenit të fshatit Livoç i Epërm njihet si recidivist i dhunës në familje dhe i njëjti është arrestuar.
Në raportin 24 orësh të Policisë së Kosovës bëhet e ditur se ngjarja ka ndodhur të premten rreth orës 19:40 në Gjilan.
Tutje thuhet se i njëjti ka pranuar tretman mjekësor.
“Është arrestuar i dyshuari mashkull kosovar, pasi që i njëjti fillimisht ka tentuar të bëj vetëvrasje duke tentuar të hidhet nga diga në ujë, i dyshuari njihet si recidivist i dhunës në familje. I njëjti ka pranuar tretman mjekësor”, thuhet në raport.
Ndërkaq, me vendim të prokurorit i dyshuari pas intervistimit është dërguar në mbajtje.
Nëse ju apo dikush që ju e njihni ka mendime të bëjë vetëvrasje, telefononi Linjën e Jetës në 080012345
