Vëllaznimi reagon pas incidentit të mbrëmshëm në ndeshjen ndaj Prishtinës
Sigal Prishtina dhe Vëllaznimi kanë luajtur mbrëmë ndeshjen e xhiros së 18-të në elitën e basketbollit kosovar.
Prishtina arriti të mposht kuqezinjtë me rezultat të ngushtë 97-93. Mirëpo skenaret e pahijshëm në basketbollin kosovar nga tifozët po vazhdojnë anipse federata ka ashpërsuar masat.
Gjatë çerekut të dytë, ndeshja është ndërprerë për arsye se tifo-grupi i Prishtinës “Plisat”, kanë filluar të fyejne dhe gjuajne në drejtim të publikut, ku pas kësaj ngjarje kishin pësuar disa tifozë gjakovar dhe njëkohësisht edhe publiku vendas që qëndronin në tribunë.
Pas kësaj palestra u zbrazë dhe pas afro 30 minutave ndeshja ri-filloi.
Ndërsa sot skuadra nga Gjakova ka dalë me një reagim zyrtar në facebook duke shprehur shqetësime lidhur me këtë ngjarje.
“Disa qytetarë, kryesisht familjarë nga Gjakova janë sulmuar nga tifo-grupi “Plisat”. Por, nga sulmi pësuan edhe qytetarë të Prishtinës që ishin të revoltuar se duhet të lironin sallën”, kanë shkruar gjakovarët në rrjetin social Facebook.
Teksa ky është reagimi i plotë i Vëllaznimit:
Reagim!
KB Vëllaznimi shpreh shqetësimin për ngjarjet e pakëndshme dje, ku disa qytetarë, kryesisht familjarë nga Gjakova janë sulmuar nga tifogrupi “Plisat”. Por, nga sulmi pësuan edhe qytetarë të Prishtinës që ishin të revoltuar se duhet të lironin sallën.
Kurse, pas hedhjeve të mjeteve piroteknike ndeshja është ndërprerë.
Këto veprime nuk i shërbejnë askujt, e aq më pak basketbollit. Nuk duhet që disa persona të papërgjegjëm t’ia humbin bukurinë këtij sporti.
Ata qytetarë që u detyruan të dalin nga salla edhe pse kishin paguar biletën, duhet të jenë shqetsimi jonë më i madh.
Basketbolli luhet për shikues, dhe pa mbështetjen e tyre edhe angazhimi i jonë nuk ka kuptim.
Ne bëjmë apel te tek gjitha tifogrupet, që të ruajmë qetësinë nëpër salla, dhe të mbështesim secili ekipet tona po pa cenuar sigurinë e tjerve. DHUNA në palestra vetëm se largon edhe sponsorët dhe njerëzit të cilët kontribojnë në cilësinë basketbollit tonë.
