SHA “Ndre Mjeda” dhe Revista Enigmatike “Horizonti”, shënojnë 43 vjetorin
Shoqata e Enigmatëve “Ndre Mjeda” në Gjilan, në kuadër të së cilës botohej Revista Enigmatike “Horizonti”, më e para revistë e këtij lloji në mbarë hapësirën shqiptare, me aktivitete të larmishme e simbolike, shënon 43 vjetorin e saj të themelimit.
Në kuadër të këtij përvjetori, sipas organizatorit, janë parapa një varg aktivitetesh të cilat parashihen të mbahen më 21 tetor 2023, në Bibliotekën e Qytetit “Fan S. Noli në Gjilan.
- Garat e hapura në përpilim të fjalëkryqit më të mirë
Sipas organizatorit nikoqi janë parapa tri çmime:
Çmimi i I-rë,
çmimi I II-të dhe
çmimi i III-të
Gara do të pasohet pas hapjes zyrtare me fjalë rasti, ndërsa eventi vazhdon më tej me aktivitete tjera.
Pas garës, sipas organizatorit, parashihet të mbahet një tryezë diskutimi me panelistë-enigmatë e të tjerë, ndërsa do të prezantohet një numër i veçantë i revistës “Horizonti”, i përgatitur enkas për shënimin e këtij përvjetori.
Siç bëhet e ditur, aktivitetet do të vazhdojnë rreth mesditës së 21 tetorit 2023, me një debat mjaft interesant enigmologjik, me temë: “Enigmatika sot dhe sfidat në botimin e revistave për enigmatikë – organizimi dhe pjesëmarrja në Kampionate kombëtare dhe ato ndërkombëtare”.
Në fund, sipas rrjedhës së paraparë të aktiviteteve ditore, në këtë shënim përvjetori është paralajmëruar një vizitë në Muzeun e Qytetit të Gjilanit.
