Radoiçiq lirohet nga paraburgimi, i ndalohet ardhja në Kosovë
Gjykata në Beograd e liron Millan Radoiçiqin nga paraburgimi duke ia ndaluar ardhjen në Kosovë.
Kështu kanë bërë të ditura mediat nga Beogradi.
Siç raportojnë mediat në Serbi, gjyqtari ka refuzuar propozimin e Prokurorisë së Lartë Publike në Beograd për caktimin e masës së paraburgimit për shkak të rrezikut të arratisjes.
“Gjyqtari për procedurën paraprake të Gjykatës së Lartë në Beograd, pasi ka dëgjuar të pandehurin M.R. për arsyet e caktimit të paraburgimit, refuzoi propozimin e Prokurorisë së Lartë Publike në Beograd për caktimin e masës së paraburgimit për shkak të rrezikut të arratisjes, njoftuan nga Gjykata e Lartë në Beograd”, raportohet në mediat e Serbisë .
