Drita tregon dhëmbët përballë Llapit të përforcuar
Drita ka shënuar fitore ndaj Llapit me rezultat 2-0 në kuadër të xhiros së parë të Superligës së Kosovës.
Nënkampioni i Kosovës e ka nisur shumë mirë sezonin e ri, duke fituar ndaj një pretendenti si Llapi.
Pjesa e parë edhe pse kishte raste, gola nuk solli, duke bërë që skuadrat të shkonin në pushim me rezultat 0-0.
Goli i parë në këtë ndeshje erdhi në minutën e 60-të, kur Blerim Krasniqi ishte i saktë për 1-0.
Nuk vonoi shumë dhe Drita shënoi edhe golin e qetësisë, kur në skenë doli transferimi tjetër i gjilanasve Albin Prapashtica që shënoi për 2-0.
Drita merr tri pikët e para që në xhiron e parë, ndërsa Llapi duhet t’i kërkojë në ndeshjen e ardhshme.
