Reagon zyrtari i MINT i përfshirë në audio-incizimin për “Aferën e grurit”: S’ka dalë nga unë, i kam respektuar procedurat ligjore
Gjatë ditës së sotme është publikuar një audio-incizim në të cilin është përfshirë zyrtari i MINT, Enver Hajrullahu që me pozitë është certifikues.
Zyrtarë të Ministrisë së Tregtisë dhe Industrisë në këto incizime të publikuara nga gazeta “Nacionale” bisedojnë rreth nënshkrimit të kontratës për blerjen e grurit vitin e kaluar.
Në audio-incizim Hajrullahu thotë se ndaj tij kishte presione të mëdha për ta nënshkruar kontratën rreth grurit, edhe pse disa ton mungonin.
Ai ka reaguar përmes rrjetit social Facebook, duke konfirmuar se është protagonist i audio-incizimit në fjalë, por Hajrullahu se se përgjimi nuk ka buruar nga ai.
Hajrullahu ka thënë se biseda në fjalë ka ndodhur në fund të korrikut të vitit të kaluar, pra një vit më parë.
“Dua t’iu njoftoj se këto audio-incizime nuk kanë rrjedhur nga Unë, dhe i njëjti është bërë në hapësirat e MINT përkatësisht në njërën nga zyrat e Departamentit të Financave, duke mos qenë në dijeni që po ndodh një incizim i tillë, dhe Unë nuk jam burim i mediumit në fjalë.
Kjo bisedë ka ndodhur përafërsisht në fund të korrikut të vitit 2022.
Me përgjegjësinë më të lartë morale dhe profesionale deklaroj se nuk kam patur kurrfarë qëllimi kundër asnjë zyrtari, por jam kujdesur për t’i respektuar procedurat ligjore”, ka shkruar ai ndër të tjera.
Reagimi i plotë:
Sqarim!
Të nderuar qytetar, miq, kolegë dhe familjarë,
Sot, është publikuar një video në mediumin Nacionale.com, si protagonist i asaj video jam Unë.
Dua t’iu njoftoj se këto audio-incizime nuk kanë rrjedhur nga Unë, dhe i njëjti është bërë në hapësirat e MINT përkatësisht në njërën nga zyrat e Departamentit të Financave, duke mos qenë në dijeni që po ndodh një incizim i tillë, dhe Unë nuk jam burim i mediumit në fjalë.
Kjo bisedë ka ndodhur përafërsisht në fund të korrikut të vitit 2022.
Me përgjegjësinë më të lartë morale dhe profesionale deklaroj se nuk kam patur kurrfarë qëllimi kundër asnjë zyrtari, por jam kujdesur për t’i respektuar procedurat ligjore.
Sinqerisht,
E. Hajrullahu
