Edi Rama duhet të harton draft për krahinën e Preshevës, e jo për shtetin e Kosovës
Kryetari i Partisë Socialiste të Shqipërisë, njëherit Kryeministër i Shqipërisë, Edi Rama ka bërë të ditur në një konferencë për media se ua ka përcjellë një draft për Bashkësinë e komunave me shumicë serbe në Kosovë!
Shkruan: Refik Hasani
Para se të ndërrmerrte atë inciativë, Edi Rama është dashur të mendoj se Republika e Kosovës tanimë është shtet dhe se kjo është mohim i shtetësisë së Kosovës. Ky veprim është një argat i Serbisë.
Edi Rama është dashur të ngris e shtrojë çështjen e krahinës shqiptare të mbetur padrejtësisht nën administrimin e Serbisë, që përfshinë Medvegjë, Bujanoc e Preshevë.
Kjo krahinë nuk e ka të zgjidhur statusin politik, pengesë e të gjitha zhvillimeve. Kjo Krahinë shqiptare vazhdon të mbetet rajoni më i prapambetur në gjithë Evropën; është krahina më e diskriminuar në gjithë Evropën; ka pasivizim e diskriminim, një pastrim etnik dhe shkelje e të drejtave e lirive të njeriut dhe të drejtave kolektive.
Lexo edhe:
Këto padrejtësi asnjëherë Edi Rama nuk i ka ngritur. Edi Rama, asnjëhërë nuk e ka ngritur çështjen se Serbia ka kryer dëbimin dhe gjenocidin, të cilin e ka shkaktuar, madje për më shumë se një shekull!
Mbetemi me shpresë se Edi Rama, pas inciativës për hartim të një drafti për Bashkësinë e komunave me shumicë Serbe në Kosovë, do të ndajë kohë edhe për krahinën e Preshevēs, krahinën e Sanxhakut që pothuajse është asimiluar, për Shqiptarët në Maqedonin e Veriu që duhet të jenë element konstituiv i kësaj Republike, në Malin e Zi, e veçmas Edi Rama do të duhej të ketë kohë edhe për Shqiptarët në Greqi dhe gjithë hapësirat shqiptare e Diasporë.
Pas angazhimit për ndarjen e Kosovës, për insistimin në Ballkanin e Hapur, iniciativa për hartimin e draftit për Bashkësin e komunave me shumicë Serbe në Kosovë janë veprimet më të dëmshme që ia ka shkaktuar Edi Rama Republikës së Kosovës.
