Të shtëna me armë nga një veturë në Llukar, gjenden 5 gëzhoja në vendngjarje
Gjatë ditës së djeshme në Llukar të Komunës së Prishtinës nga një veturë është shtënë me armë zjarri, duke ikur nga vendi i ngjarjes.
Sipas raportit 24-orësh të Policisë së Kosovës, në vendin e ngjarjes janë gjetur dhe konfiskuar pesë gëzhoja të plumbave.
“Ankuesi mashkull kosovar ka raportuar se i/të dyshuar deri më tani të panjohur nga një veturë me targa vendore kanë shtënë me armë zjarri dhe kanë ikur”, njofton policia.
“Njësitë relevante policore kanë dalë në vendin e ngjarjes ku kanë gjetur dhe konfiskuar 5 gëzhoja”, thekson njoftimi.
Në lidhje me rastin është konsultuar Prokurori i Shtetit dhe se ngjarja vazhdon të hetohet.
