Ish lojtari i Rumanisë: Nuk më intereson Kosova, ne do kualifikohemi në Europian
Ionut Lupescu, ish futbollisti i Rumanisë ka besim se kombëtarja e tyre do kualifikohet në kampionatin evropian të vitit 2024.
Ai lavdëroi Rumaninë për pikët maksimale në fushatën për Euro 2024, teka thotë se grupi është i favorshëm.
“Grupi është aq i dobët sa nuk ka mundësi të mos kualifikohemi. Nuk kam problem me Izraelin dhe Kosovën, po pyes pse të mos luftojmë me Zvicrën në radhë të parë?”, tha ai për Prosport.
“Nuk jam i befasuar nga kritikat se ne mundëm Andorrën vetëm 2-0”
Lupescu thotë se nuk ka parë asnjë nga dy ndeshjet e para të kombëtares rumune në rrugën drejt Europianit të vitit të ardhshëm, por fakti që fituan gjashtë pikë është shumë i mirë.
“Kjo është ajo që duhet të synojmë në këtë seri. Të varemi vetëm nga vetja. Vetëm kështu mund të përparojmë, me një mentalitet të tillë”.
Kosova barazoi në shtëpi me Andorrën? Mirë! Por pse duhet të fillojmë tashmë me këto përllogaritje, kur skenari ynë i vetëm do të ishte të fokusohemi në tre pikë në çdo ndeshje dhe kaq? Çfarë na ndihmon të vazhdojmë të shikojmë se çfarë po bëjnë të tjerët?”, përfundoi ai.
