FC Ferizaj, fton tifozët e zjarrtë ta përkrahin ndaj Ballkanit si asnjëherë më parë – e kanë një arsye të madhe!
Klubi i Futbollit Ferizaji i ka ftuar tifozët e saj për takimin e së dielës kundër Ballkanit, që ta përkrahin nga tribunat e stadiumit, duke e cilësuar takimin të rëndësisë veçantë, mbështjetjen kruciale, ndërsa prezencën e tyre si akt humanizmi, pasi ka një arsye – duan që mjetet e fituara nga biletat e shitura nga takimi t’u dhurohen si një lloj mbështetje morale e financiare për mjekim Nil Asllanit nga ky qytet.
Kështu ka paralajmëruar faqja zyrtare e skuadrës, ndërsa ka theksuar unitetin e skuadrës para këtij takimi të rëndësishëm.
LEXO EDHE:
Kujtojmë që Ferizaji është skuadra me performancën më të mirë në sezonin pranveror, ndonëse ishte cilësuar mes dy sezoneve si njëra nga skuadrat e rrezikuara e që qëndronte me “një këmbë” në radhë për rënie një rang garash më poshtë, pasi të gjithë skeptikët që e kishin logaritur si skuadër autstajdere që vetëm pas gjysmë edicioni teorikisht pothuajse ishte përshëndetur nga lufta për mbijetesë në elitën e futbollit të Kosovës, Albi Mall Superligë.
LEXO EDHE:
Porse, kështu nuk kishte menduar klubi ambicioz, duke radhitur sukseset një pas një, për të demantuar skeptikët njërin pas tjetrit, duke fituar plotë 14 pikë nga 7 ndeshje pranverore, për dallim nga 13 pikët e inkasura nga 18 takimet vjeshtore, që është bilanc tejet pozitiv krahasuar me pritjet minimale.
Porse, pavarsisht kësaj, takimi i së dielës ndaj Ballkanit aspak nuk e favorizon skuadrën e Ferizajit, bazuar në traditën e dy ndeshjeve paraprake, si dhe duke marrë parasysh faktin se që të dy takimet vjeshtore, si atë të zhvilluar në Ferizaj ashtu edhe takimin e zhvilluar në Therandë, i ka fituar skuadra e Ballkanit, me rezultat (0:3), përkatësisht (2:0).
Th i rr j a m e k a r a k t e r t ë p ë r gj i th sh ë m – A p e l i
𝐅𝐂 𝐅𝐞𝐫𝐢𝐳𝐚𝐣 – 𝐅𝐂 𝐁𝐚𝐥𝐥𝐤𝐚𝐧𝐢
Klubi, nuk ka qenë asnjëherë më i bashkuar e mobilizuar se tash. Së bashku me tifozërinë e zjarrtë “Ultras Ujqit” ne po ecim të bashkuar e më të fortë se kurrë.
Andaj ju ftojmë, si asnjëherë më parë, që simpatinë e dashurinë për klubin ta shkrijmë përmes prezencës tonë ditën e nesërme.
Mos harroni nesër e kemi një arsye më shumë për prezencën tuaj sepse të gjitha biletat e shitura nga ky takim do të shkojnë për shërimin e Nil Asllanit!
Shkallët e stadiumit po ju presin, e lojtarët e kanë të nevojshme këngën e zërin e juaj 🗣
Mungesa nuk arsyetohet, FC Ferizaj ju thërret të rrugëtojmë bashkë si çdo herë.
🐺 🔈📢
“𝑵𝒆 𝒋𝒆𝒕𝒐𝒋𝒎𝒆̈ 𝒑𝒆̈𝒓 𝒕𝒚, 𝒕𝒊 𝒇𝒊𝒕𝒐 𝒑𝒆̈𝒓 𝒏𝒆”
FC Ferizaj 🔵⚪️
