Fotografi për histori, Aleksandër Moisiu me të bijën, Bettina
Aktori shqiptar i skenës teatrore gjermanishtfolëse Aleksandër Mosiu me të bijën Bettina Moissi.
Bettina Moissi u lind më 15 tetor 1923. Sivjet ajo gëzon e kremton 100-vjetorin e lindjes. Jeton në Berlin. Është rritur në Zvicër. Ka qenë aktore. Pas dy martesave, Bettina Moissi u kurorëzua më 1959 me Heinz Berggruen, i cili ka qenë njëri nga koleksionistët më të mëdhenj të artit në Gjermani në shekullin e 20-të.
Bettina Moissi dhe Heinz Berggruen patën dy fëmijë. Nicolas Berggruen (i lindur më 1961) është investitor i madh. Revista Forbes Magazine e ka vlerësuar pasurinë e tij më 2022 në rreth 3,1 miliardë dollarë. Olivier Berggruen, i lindur më 1963 në Winterthur të Zvicrës, është historian i artit dhe shkrimtar.
Sipas shënimeve nga: Enver Robelli
