Gjilan: Reagon drejtoresha e Administratës Publike në Gjilan, Doruntina Hasani, ndaj deklaratës së LDK-së, i quan “thënie të pavërteta”
Reagon drejtoresha e Administratës Publike në Gjilan, Doruntina Hasani, ndaj deklaratës së KLDK-së, i quan “thënie të pavërteta”
Lidhja Demokratike e Kosovës – dega në Gjilan, të shtunën ka mbajtur një konferencë me media, ku ka adresuar vërejtje e kritika ndaj qeverisjes komunale, për siç është thënë, “një vit mos punë, mos transparencë; mos realizim të asnjë prej mbi 100 premtimeve zgjedhore; me nepotizëm të theksuar; me mungesë vizioni e dije për t’i shtyrë projektet përpara; me mos funksionim të asnjë sektori si duhet, ndërsa si rrjedhë, ky vit i qeverisjes se LVV-së në Gjilan është vlerësuar e konstatuar ” … vit i humbur për Gjilanin”
Këto deklarata të LDK-së janë bërë në konferencën e rregullt javore, një ditë para se të mbahet takimi i paralajmëruar i kreut të Komunës me qytetarë, ku pritet të prezantohet raporti vjetor dhe të marrë pjesë edhe vet Kryeministri Kurti, për ç’gjë, këtë pjesëmarrje, LDK e ka cilësuar si “debat me bedel!”
E ndaj këtyre deklaratave ka pasur reagime të shumëta nga ana e zyrtarëve aktual komunal, ndërsa drejtoresha e Administratës Publike, Doruntina Hasani, ka qenë njëra nga ta që ka reaguar më ashpër, duke publikuar shifra e statistika, të cilat i ka vlerësuar si rezultate pozitive, kurse deklaratat e dala nga Konferenca e LDK-së, i ka cilësuar “Thënie të pavërteta e të LDK-së në Gjilan:, si në vijim:
P o s t i m i i p l o t ë
REAGIM NDAJ THËNIEVE TË PAVËRTETA TË LDK-SË NË GJILAN
10 Dhjetor, 2022
Gjilan
Gjatë 11 mujorit të këtij viti, Drejtoria e Administratës së Përgjithshme ka realizuar të hyra vetanake prej: 153,860.40 Euro. Shpenzimet arrijnë lartësinë prej: 514,092.42 Euro gjithsej, respektivisht për mallra dhe shërbime: 345,173.12 Euro, për shpenzime komunale: 14,059.28 Euro, si dhe shpenzime kapitale: 154, 860.02 Euro.
Në zyret e administratës konsumohej alkooli e duhani. Paguhej disafish për pastrim të të njejtave objekteve komunale (minimalisht mbi 7,000.00 Euro më shumë janë paguar për një operator ekonomik). E-Kioskat përpos që ishin pranu pa kurrfarë kriterash e me përplot shkelje, mbi 2,000.00 Euro të deponuara nuk ishin tërhequr asnjëherë prej tyre. Punohej me palë prej orës: 8:15, me një orë pauzë, e deri në ora: 15:30 – orar të cilin askush s’mundi të ma arsyetoj. Mijëra euro paguheshin për skenim lëndësh. Paguhej qira për një objekt që nuk përdorej nga askush. Me mijëra euro mjete të inkasuara e të padorëzuara nga zyrtarët, për shkak të mungesës së mbikqyrjes dhe keqmenaxhimit.
Tani orari i punës respektohet. Ofrojmë shërbime pandërprerë dhe pa pauzë, nga ora: 08:00-16:00. Kemi inicuar procedurën për rinfunksionalizimin e E-Kioskave. Digjitalizimi i arkivit bëhet me zero kosto për Komunën. Kemi dërguar njoftimin për shkëputje të kontratës për qiranë. Kemi instaluar sistemin GPS në automjetet zyrtare të komunës. Janë kryer 94% e lëndëve. Lëndët me afat ligjor 30 ditor, kryhen brenda ditës. Kemi miratuar planin e transparencës, në njërën nga seancat e shumta kur opozita dilte nga salla. Tre (3) zyrtarë në procedura disiplinore, njëri prej të cilëve i shkarkuar. Zgjidhëm problematikën e regjistrimit të fëmijëve me njërin prind pa dokument identifikimi – çështje e patrajtuar që nga paslufta.
Disiplinë! Profesionalizëm! Shërbime efikase!
Qeveria jonë është e qytetarëve, jo e familjarëve dhe miqve. Paratë e komunës janë të taksapaguesve, e jo tonat. Mbi 90% të zyrtarëve komunalë i keni anëtarë të partisë suaj, e po na predikoni për punësime.
Ne jemi fokusu në digjitalizim të shërbimeve, e ju në shpifje – këtu qëndron dallimi!
