U mbajt Olimpiada e XV matematike e Gjilanit – OMGJ 2023
Olimpiada u mbajt në Gjimnazin Natyror “Xhavit Ahmeti” në Gjilan, e cila u organizua nga Shoqata e Matematikanëve të Kosovës (SHMK) dhe Drejtoria Komunale e Arsimit (DKA) në Gjilan.
Në olimpiadë morën pjesë rreth 70 nxënës të klasave IX-XII, të shkollave të mesme të ulëta dhe të mesme të larta të Komunës së Gjilanit. Ajo u organizua me standarde tejet të larta dhe kushte shumë komode të ofruara nga shkolla mikpritëse.
DKA GJILAN – SHPALLË KONKURS
Në fillim drejtoresha e DKA-së zonja Albana Demiri, iu drejtua me një fjalë rasti të pranishmëve dhe më pas bëri hapjen zyrtare të Olimpiadës. Ajo iu drejtua nxënësve me fjalë inkurajimi, duke i uruar që të vazhdojnë traditën e sukseseve në matematikë të nxënësve tanë. Ajo poashtu premtoi një përkrahje edhe më të madhe të DKA-së dhe Komunës së Gjilanit, për këta nxënës të talentuar. Drejtoresha poashtu vlerësoi lartë punën e koordinatorit komunal të këtyre olimpiadave, profesorin e matematikës Festim Shkodra si dhe stafin e bashkëpunëtorëve të tij, për mbajtjen me standarde tejet të larta të kësaj gare, për 15 vite me rradhë.
Me një fjalë rasti të pranishmit i përshëndeti edhe profesori Xhevdet Thaçi – prorektor i Universitetit “Kadri Zeka” (UKZ) në Gjilan.
Ai iu uroi këtyre talenteve të matematikës një ardhmëri të ndritshme me dëshirë që në të ardhmen ndonjë nga ta edhe të studijoj në UKZ.
Drejtori i gjimnazit mikpritës, z. Bekim Mustafa ju dëshiroi mirëseardhje të pranishmëve dhe ju uroi sukses si dhe shprehu gatishmërinë për përkrahje të organizimeve të këtilla të dijes edhe në të ardhmen.
Me nga një fjalë rasti iu drejtua garuesve edhe koordinatori i OMGJ 2023, profesori Festim Shkodra. Ai iu tha nxënësve garues, se me vetë pjesëmarrjen e tyre në këtë garë të gjithë janë fitues, sepse kanë mbërri këtu pas një përgatitje të madhe. Koordinatori i falënderoi gjimnazin “Xhavit Ahmeti” dhe DKA-në në Gjilan për përkrahjen në vazhdimësi për organizimin e këtyre olimpiadave por me dëshirë për ta rritur edhe mëtej këtë përkrahje nga institucione komunale.
Pas mbarimit të olimpiadës OMGJ 2023, u shpallen rezultatet zyrtare si vijon:
KLASA IX
Alina Bajrami – SHMU “Esat Berisha” , Llashticë / vendi i I
Erisa Dushica – SHMU “Selami Hallaçi” , Gjilan / vendi i II
Lijana Daku – SHMU “Abaz Ajeti” , Gjilan / vendi i III
KLASA X
Erdi Syla – Gjimnazi Natyror “Xhavit Ahmeti” , Gjilan / vendi i I
Blina Hajdini – Gjimnazi Natyror “Xhavit Ahmeti” , Gjilan / vendi i II
Triumf Dërmaku – Gjimnazi Natyror “Xhavit Ahmeti” , Gjilan / vendi i III
KLASA XI
Era Januzi – Gjimnazi Natyror “Xhavit Ahmeti” , Gjilan / vendi i I
Aridon Ahmeti – Gjimnazi Natyror “Xhavit Ahmeti” , Gjilan / vendi i II
Blerand Ajeti – Gjimnazi Natyror “Xhavit Ahmeti” , Gjilan / vendi i III
KLASA XII
Olt Imeri – Gjimnazi Natyror “Xhavit Ahmeti” , Gjilan / vendi i I
Alma Berisha – Gjimnazi Natyror “Xhavit Ahmeti” , Gjilan / vendi i II
Lejla Ahmeti – Gjimnazi Natyror “Xhavit Ahmeti” , Gjilan / vendi i III
I urojmë shumë suksese ekipit të Komunës së Gjilanit, në olimpiadat vijuese!
