Arrestohet në Aeroportin e Prishtinës, i gjenden gjashtë elektroshokë
Policia e Kosovës ka arrestuar dje në Aeroportin Ndërkombëtar “Adem Jashari” në Prishtinë një person për armëmbajtje pa leje.
Siç njofton policia në raportin 24-orësh, të dyshuarit gjatë kontrollit i janë konfiskuar gjashtë elektroshokë.
“Është arrestuar i dyshuari mashkull kosovar pasi që gjatë kontrollit në valixhen e tij janë gjetur dhe konfiskuar gjashtë (6) elektroshok dhe mbushësit e tyre”, thuhet në njoftim.
Pas intervistimit me vendim të prokurorit kujdestar i dyshuari është dërguar në mbajtje, ndërsa rasti është iniciuar si armëmbajtje pa leje.
