Kosova para ndeshjes hisorike – Ish Presidentja Jahjaga veprim emocionues e motivues – foto me Rashicën
Jehona e entusiazmit kualifikues për botërorin e vitit të ardhshëm, USA-Mexico-Kanada 2026, ka marrë dhenë.
“Ethet” kualifikuese kanë ‘mbërthyer” mbarë opinionin Kosovarë e shqiptarë sportdashës e shumë më shumë se kaq.
Kudo flitet e komentohet momentumi i artë i pozicionimit aktual të Kosovës, gjegjësisht pozita e dytë në grupin B me 7 pikë nga katër ndeshje të zhvilluara, kur kanë mbetur edhe dy xhiro për t’u kaluar.
Një gjë është e qartë: Kosova gjendet në një pozitë historike kualifikuese, shumë më mirë se pjesa dërmuese e ekipeve përfaqësuese nga rajoni e më gjërë!
Madje Kosova gjendet në pozitë shumë më të volitshme edhe se Shqipëria e cila gjendet në prag të sigurimit të fazës së barazhit.
Shqipëria, sonte në 20:45 ndeshet me Andorën në udhëtim, një fitore ndaj së cilës do t’ia mundësonte komoditetin e madh të pres përfundimin e ndeshjes Angli – Serbi në Londër.
Në fakt, nëse Anglia do të shënonte fitore, Shqipëria me automatizëm do të fitonte ‘biletën’ e barazhit pasi në ndeshjen e fundit do të hynte me diferencë prej katër pikësh në raport me Serbinë në vendin e tretë.
Dhe, pavarësisht se ndeshjen e fundit e zhvillon ndaj Anglisë, diferenca me katër pikë do t’i pamundësonte Serbisë që ta arrinte në luftë për pozitën e dytë që dërgon në fazën e barazhit.
Rrjedhimisht Shqipëria duhet të shënoj fitore ndaj Andorës në udhëtim me doemos, pasi cdo rezultat tjetër do të mbante në lojë Serbinë për t’u kualifikuar nga pozita e dytë në xhiron e fundit.
Në anën tjetër, Kosova pothuajse ka siguruar barazhin nga pozita e dytë. Mjafton nje barazim nga dy ndeshje të radhës. Të premten në Lublanë ndaj Sllovenisë ose më 18 nëntor ndaj Zvicrës në “Fadil Vokrri”
Ajo që është për t’u theksuar te plasmani i Kosovës në grupin B lidhet me faktin se skuadra e trajnerin Franco Foda, përvec befasisë që ka shkaktuar me 7 pikë të fituara nga katër ndeshje, ka pasur performanca të jashtëzakonshme ndaj Sllovenisë në Prishtinë dhe ndaj Suedisë dy herë: Në “Fadil Vokrri” (2:0) dhe në udhëtim në Stokholm (0:1).
E pikërisht dy fitoret ndaj Suedisë e kanë bërë Kosovën favorite absolute për pozitën e dytë të barazhit.
Por kjo nuk është e tëra: Cuditërisht, Kosova ka mundësi të artë të kualifikohet edhe drejtpërdrejtë në botërorin 2026 në USA-Maxico-Kanada.
Për të arritur një gjë të tillë, e që do të ishte sensacioni më i madh në analet e historisë së kualifikimeve për Kampionatin Botëror të Futbollit, nga viti i largët 1930 në Uruguai e deri më sot, Kosova duhet fillimisht të shënoj fitore ndaj Sllovenisë në Lublanë, me kusht që Zvicra të mos arrijë të fitoj ndaj Suedisë, por të humbas ose të luaj baraz.
Në atë rast Kosova me një fitore në ndeshjen e fundit ndaj Zvicrës në “Fadil Vokrri”, qoftë edhe minimale, do të siguronte drejtpërdrejtë “biletën”, për t’i shkruar me shkronja të arta vetes pjesëmarrje fantastike në Kampionatin Botërorë 2026.
E një gjë e tillë, dikuj mund t’i duket ëndërr, por ëndërr më të qartë me këtë gjeneratë të artë, Kosova nuk ka pasur jo se jo, por as nuk do të ketë një kohë të gjatë.
Ndaj, djelmoshat fantastik të ekipit përfaqësues të Kosovës vërtetë duhet të mbështeteten masivisht, publikisht e emocionalisht pasi forma momentale e tyre është autentike dhe “ëndrra” është jetike.
Ndaj po flitet dhe diskutohet gjithandej, e me entusiazëm po mbështeten deri në pafundësi djelmoshat e drejtuar nga timonieri autoritativ, Franco Foda.
Në mesin e atyre që ka mbështetur, inkurajuar e përgëzuar djelmoshat është edhe ish presidentes Atifete Jahjaga, e cila pati një takim spontan me Milot Rashicën, fotografinë e të cilit takim e shpërndau për ta bërë virale.
“Sot u takova me njërin prej djemve tanë të artë, Milot Rashicen. U pajtuam për një gjë: Kosova s’ka nevojë për stres të tepërt, vetëm për gola në ndeshjet e radhës, e deri tek kualifikimi për botëror.
Gjithmonë krenare me djemtë tanë dhe kombëtaren tonë!”, ka shkruar Jahjaga, në statusin e saj, krahas fotografisë së përbashkët me Rashicën.
