FC Prishtina e Re, Albi Mall Superliga dhe afati kalimtar 2025/2026!
Muaji korrik duket të jetë vendimtar për strukturën e skuadrës së promovuar në Elitën e Futbollit të Kosovës, Prishtina e Re, shkruan TV Gjilani.
Sic është bërë me dije nga klubi, një numër i madh i lojtarëve që kanë bartur mbi super barrën e ecejakeve të edicionit të kaluar drejt Albi Mall Supeligës, tanimë është konstatuar se nuk do të jenë pjesë e planifikimeve të skuadrës për edicionin e ri 2025/2026.
Në anën tjetër, kryesia e klubit po bënë cmos që të sigurojë shërbme sa më kualitative për kampionatin në vijim, dhe atë duke nënshkruar me lojtarët kryesorë të skuadrës, ndërsa priten edhe transferime të reja deri në fund të afatit kalimtar veror.
Sipas faqes zyrtare të klubit, në mesin e lojtarëve që kanë nënshkruar kontratë të re me klubin për të bartur fanelën e saj edicionin para nesh, janë me sa vijon:
Fillimisht skuadra ka nënshkruatur me Shpëtim Bobaj, të cilit i ëhstë besuar karriga kryesore e bankinës, gjegjësisht ajo e drejtorit Sportiv.
“Kemi kënaqësinë të njoftojmë zyrtarisht emërimin e Shpëtim Bobaj në pozitën e Drejtorit Sportiv.
Z. Babaj kishte karrierë të çmuar si lojtar në skuadra të ndryshme vendore dhe evropiane, përvoja dhe njohuria e tij mbi futbollin do të jenë kyqe në ndërtimin e një skuadre konform objektivave të klubit, u tha fillimisht, ndërsa vet drejtori Bobaj më pas dha një prononcim për faqen zyrtare të klubit:
“Jam bashkuar me një klub me ambicie të qarta dhe një strukturë të organizuar si KF Prishtina e Re. Objektivi ynë është të ndërtojmë një projekt të qëndrueshëm dhe konkurrues në futbollin vendor.
E me të marrë detyrën e re, Bobaj “shënjestroi” ish trajnerin Elon Berisha, të cilit iu vazhdua kontrata për edicionin e ri 2025/2026.
“Me kënaqësi të madhe njoftojmë se trajneri Elon Berisha do të jetë në krye të skuadrës edhe në edicionin e ardhshëm në Superligën e Kosovës.
Berisha ishte arkitekti i ngjitjes sonë historike në elitë, tani, ai do të udhëheq klubin drejt synimeve të reja, u tha me raston e nënshkrimit.
“Jam shumë i lumtur dhe ndjejë krenari për rrugëtimin e suksesshëm këto 3 vite të kaluara me klubin. Jam mirënjohës për besimin dhe i motivuar për sfidën e re në Superligë, vazhdimin e një ëndrre të përbashkët. Tani fillon një kapitull i ri më i madh, më i rëndësishëm dhe objektiva është të ndërtojmë një strukturë të fortë dhe konkurruese, po mbi të gjitha, ruajtja e kulturës së punës që na solli deri këtu, pasi Superliga kërkon nivel tjetër dhe ne do të punojmë çdo ditë për ta përballuar me nder dhe dinjitet”, deklaroi ai.
E menjwherw pas kwtij vendimi, rrodhwn kontratat e reja me lojtarwt kulmor tw skuadrws, tw cilwve iu vazhdua kontrata, dhe atw si nw vijim:
Abdoul Razack Bachare Zoungrana vazhdon me KF Prishtina e Re!
“KF Prishtina e Re njofton për vazhdimin e bashkëpunimit me Abdoul Razack Bachare Zoungrana, qendërsulmuesin nga Burkina Faso, i cili do të vazhdojë të jetë pjesë e skuadrës sonë edhe në Superligën e Kosovës. Razack përgjatë edicionit të kaluar dha kontribut të rëndësishëm me intensitetin e tij të lartë në fazën offensive”, shkoi faqja zyrtare.
Pas tij u vazhdua kontrata me Fatlind Azizi.
“KF Prishtina e Re ka kënaqësinë të njoftojë vazhdimin e bashkëpunimit me Fatlind Azizin, mbrojtësin e djathtë që tashmë prej tri vitesh është pjesë e klubit tonë. Fatlindi është jo vetëm një nga lojtarët më të qëndrueshëm, por edhe shembull i një progresi të vazhdueshëm individual. Me punë të palodhur, disiplinë dhe përkushtim, ai ka ngritur nivelin e tij sezon pas sezoni, duke u bërë një element kyç në strukturën tonë mbrojtëse”, u tha me këtë rast.
Më pas u vazhdua kontrata me Lis Brahimi.
“KF Prishtina e Re njofton vazhdimin e bashkëpunimit me Lis Behramin, mesfushorin 22-vjeçar që ka qenë pjesë e rëndësishme e skuadrës në Ligën e Parë. Lisi do të vazhdojë të japë kontributin e tij në fushë me punë të palodhur dhe disiplinë, tashmë në Superligën e Kosovës”, u theksua me rastin e nënshkrimit.
E më pas, gjatë fundjavës u nënshkruan edhe katër kontrata të reja, dhe atë si në vijim:
Me Lorik Dobratiqi, Guri Hana, Zigur Biqkaj, Endrit Baholli dhe Astrit Berisha.
