Isa Jakupi, artdashës, veprimtar e kompozitor i shquar muzikor
BIOGRAFI – Isa Jakupi ka lënë pas një krijimtari të madhe në artin muzikor. Përvec pedagog, ai njihet si kultivues e krijues i këngëve të zhanrave të ndryshme.
Isa Jakupi është autor i shumë këngëve për të rritur e për fëmijë. Ai kompozoi mbi 30 këngë, ndërsa ka shkruar edhe në revistën pedagogjike “Shkëndija”, vecmas gjatë viteve 80-të e 90-të, me trajtesa e mbresa kryesisht nga arti muzikor.
Rrugës artistike Isa Jakupi iu rrekë që në rininë e tij, si një figurë e dalluar e artit muzikor. Jetoi e veproi kryesisht në Gjilan, ndërsa rrjedh nga një familje me traditë të hershme e të pasur atdhetare. I ati i tij, Tefiku, ishte njëri ndër arsimtarët e parë në komunën e Gjilanit. Ai ishte i pari që themeloi shkollën fillore në Desivojcë, komuna e Dardanës e në Malishevë të Gjilanit. Ishte njeri që e deshi shkollën kombëtare shqipe.
Si i tillë, edhe pasardhësit e tij i edukoi në frymën e arsimit kombëtar. Është nga një familje arsimdashëse. Kjo familje ka shumë intelektualë. Isa Jakupi është nga ata që eci rrugës së babait të tij, i cili sot ka bërë emër në artin muzikor.
Ai kreu shkollën fillore në Gjilan, ndërsa në vitin 1957 regjistrohet në shkollën e mesme të muzikës në Prizren. Menjëherë filloi të punojë si arsimtar i muzikës në Shkollën fillore “Musa Zajmi”, të qytetit.
Në vitin 1964, Isa Jakupi regjistrohet në Akademinë e Muzikës në Beograd, në seksionin e Teorisë së këtij arti. Studimet i kreu me kohë dhe me sukses të dalluar. Menjëherë pastaj filloi punën si pedagog i muzikës në Shkollën Normale “Skënderbeu” në Gjilan. Ishte ajo kohë kur mungonte kuadri për lëndën e artit muzikor.
Derisa ishte student në Beograd, Isa Jakupi njihet me kolegët e artit muzikor, si me: Musa Piperkun, Rexhep Munishin, Luigj Gomilën, Mejdi Bajrin, Dashnor Zërzën, Bahtir Shehollin, Gjergj Kaçinarin, Esat Rizvanollin e me shumë të tjerë. Ata, si studentë shqiptarë, bashkëpunuan me Shoqërinë e Studentëve “Përpjekja”.
Këta pedagogë të artit nga Kosova ndoqën rrugën e muziktarëve të afirmuar të asaj kohe, si: Isak Muçolli, Bahri Cela dhe Qazim Uruqi. Por, me themelimin e shkollës fillore të muzikës në Gjilan, më 1979/80, Isa Jakupi e kolegë të tjerë themeluan dhe hapën këtë shkollë të artit dhe nuk kursyen asgjë nga veti për arsimimin e të rinjve në këtë shkollë të dijes e të jetës.
Isa Jakupi ka një “vepër” të madhe në artin muzikor. Ai është jo vetëm pedagog, por edhe kultivues e krijues i këngëve të zhanrave të ndryshëm.
Isa jakupi, si autor i shumë këngëve për të rritur e për fëmijë, bëri kompozimin e këngëve dhe melodive të këtij arti, mbi 30 këngë.
Ai përvec tashëgimisë artistike në vepër, la pas edhe një trashëgimi kadrovike: djali i tij, Kushtrimi është profesor i artit muzikor, aktualisht drejtor i Shkollës së Muzikës në Gjilan; vajza, Albina po ashtu është kuadër e muzikës e profesionalizuar, njëherit pedagoge e diplomuar në Fakultetin e
Si artdashës i madh, Isa Jakupi ka marrë pjesë në festivale të ndryshme të muzikës, duke filluar nga “Akordet e Kosovës” më 1967 në Prishtinë, e më pas në Festivalin e fëmijëve në Gjakovë, në Festivalin e këngëve “Kosovarja Këndon” në Ferizaj, “Ylberi” në Shkup, e shumë evenimente të këtij
Ky artdashës i madh i muzikës ka kompozuar albume të shumta të këngëve për fëmijë, si Besart Berisha, Nazmije Selimi, Gentiana Syla dhe së fundi albumin e këngëtares së njohur e të afirmuar nga Gjilani, Fehime Salihu.
Nuk kalon ditë që këto këngëtare të mos jenë në ekranet televizive në ato qëndrore e gjer ato lokale në Gjilan. Kjo është merita e pedagogut muzikor, I. Jakupit, i cili është autor i këngëve: ”Sy jeshile, gojë sheqere”, “Letra e ushtarit”, “Shkollares fshatare”, “Zenel Hajdini” etj.
Këto këngë i këndojnë solistët e njohur të estradës kosovare: Shpresa Berisha, Shahindere Bërlajollil, Shaban Gjekaj, Liliana Çavolli etj. Me këngët e e kompozuara për të vegjëlit, I. Jakupi ka marrë pjesë pothuaj në të gjitha festivalet në Kosovë, Shqipëri, Shkodër, Maqedoni etj.
Me artin e muzikës Isa Jakupi ka filluar të mirrej nga bankat e arsimit të mesëm. Në fillim ai komponoi këngë të muzikës popullore e më vonë këngë për fëmijë. U paraqit për herë të parë në festivalin “Akordet e Kosovës”1967 me këngën: “Si s’po më beson, moj vashë”. Por, sukseset nuk munguan të tij. Në festivalin “Kënga shqiptare”, Isa mori pjesë dy herë, në Gjakovë po ashtu u paraqit dy herë me këngën e melosit popullor etj. Për sukseset a arrita në këtë art, Isa Jakupi është shpërblyer “Pena e artë” për këngën “Shkollarës fshatare”, ndërsa shpërblimin e dytë e mori disa herë për këngët: “Sorkadhja”, “Nën hije të mallit të pres”,“Në shpirt më ngjallet një dëshirë”, “Dasma në malësi” etj. Shpërblimin e parë e mori me këngën për fëmijë “Treni”. Pra, Isa Jakupi është një pedagog i dalluar i kulturës së artit muzikor tek ne. Me këtë rast, i uruam shumë suksese të tjera.
Jetëshkrimi e biografia e veprimtarisë artistike të kompozitorit të ndjerë tashmë Isa Jakupit, është i bazuar nga shënime në internet që mbajnë firmën autoriale të Tefik Selimi.
