23 vite më parë u shënua goli më i bukur në historinë e Champions League, golashënuesi përfundoi në burg!
Më 2 nëntor 1999, u shënua padyshim goli më i bukur në historinë e Champions League.
Sigurisht që mendimet janë të ndara dhe është e vështirë të përcaktohet se cili është më i bukuri, ky apo Zidane nga finalja e Champions League kundër Bayer Leverkusenit, por historia e sulmuesit të Fioretinës është shumë më e çmendur.
Ishte Mauro Bressan, ish-mesfushori i Fiorentinës, ai që shënoi si sot 23 vite më parë një gol spektakolar 25 metra me gërshërë.
Në barazimin 3-3 me Barcelonën, Bressan bëri një lëvizje të pabesueshme për të cilën flitet edhe sot. Për ta bërë edhe më interesant, në atë sezon 1999/2000 ai shënoi vetëm dy gola me fanellën e Fiorentinës, një kundër Barcelonës dhe tjetrin kundër Interit.
Bressan nuk ishte veçanërisht i famshëm, para Fiorentinës ai ishte lojtar i Milanit për të cilin as nuk debutoi, më pas luajti për Perugia, Como, Foggia, Cagliari, Bari nga ku u transferua në Firence. Pas Violës, ai luajti për Venezia, Genoa, përsëri Como, Lugano dhe u pensionua në vitin 2008 në skuadrën e kategorisë së ulët Chias.
Ajo për të cilën më vonë Bressan u bë shumë më i famshëm dhe në sy të publikut ishin akuzat për trukime ndeshjesh! Në vitin 2011 ai u arrestua së bashku me 15 persona të tjerë të dyshuar për rregullimin e ndeshjeve në të gjithë Italinë. Në atë grup njerëzish ishte edhe i famshmi Giuseppe Signori, po ashtu edhe Bressan u ndalua nga futbolli për tre vjet e gjysmë.
Pak njerëz e dinë se ku është ai sot dhe çfarë po bën golashënuesi i një prej dy golave më të mirë në historinë e Champions League.
