2 ndeshje 4 gola, “Lewa i Malishevës” tani është “Lewa i Rumanisë”
Sulmuesi kosovar, Albion Rrahmani është duke shkëlqyer me fanellën e Rapid Bukureshtit.
Në ndeshje e sotme ndaj Dinamos, në kuadër të javës së tetë në Superligën e Rumanisë, Rrahmani arriti të shënojë dy gola.
Që nga ndeshja e tij e parë me skuadrën rumune, “Lewandowski i Malishevës” kishte arritur të shënojë 2 gola, ndërsa të njëjtën gjë e bëri edhe sonte.
Fillimisht shënoi në minutën e 35-të nga pika e bardhë, duke ia dhuruar skuadrës së tij epërsinë.
Ndërsa në pjesën e dytë e bombardoi portën në minutën e 82-të dhe duke e bërë rezultatin në 4-0.
Rrahmani aktualisht gjendet në vendin e tretë në listën e golashënuesve në Ligën rumune, ndërsa do të jetë në luftë për “Këpucën e Artë”.
