𝐔 𝐳𝐡𝐯𝐢𝐥𝐥𝐮𝐚 𝐮𝐬𝐡𝐭𝐫𝐢𝐦𝐢 𝐧𝐞̈ 𝐭𝐚𝐯𝐨𝐥𝐢𝐧𝐞̈ ”𝐒𝐡𝐭𝐢𝐦𝐣𝐚 𝟐𝟒”

Sipas misionit mbështetja ushtarake për autoritet civile, me kërkesë të Kryetarit të Komunës së Shtimes, Qemajl Aliu dhe me koordinimin e Ministrisë së Mbrojtjes dhe Forcës së Sigurisë së Kosovës, në Shtime është zhvilluar një ushtrim tavoline me skenar vërshimi.

Qëllimi i ushtrimit ishte testimi i politikave, planeve, procedurave dhe marrëveshjeve të Komunës së Shtimes, për menaxhimin e fatkeqësive natyrore dhe fatkeqësive tjera e në rastin e këtij ushtrimi, menaxhimin e vërshimeve.

Zhvillimin e ushtrimit e përcolli edhe zevendësministri i Mbrojtjes, Shemsi Syla, i cili përgëzoi kryetarin Qemajl Aliu, për ketë bashkëpunim si dhe i premtoi mbështetjen e mëtejshme për bashkëpunim të ndërsjellë.

Po ashtu, në këtë ushtrim morën pjesë zyrtarë të lartë të Komunës së Shtimes, komandanti i Policisë, komandanti Njësisë Profesionale të Zjarrfikjes dhe Shpëtimit, sekretari i Kryqit të Kuq, përfaqësues të Hidroregjionit dhe përfaqësues të Shoqatës së Pensionistëve të TMK-se, FSK-së dhe simpatizantëve “Elita”.