𝐃𝐫𝐞𝐣𝐭𝐮𝐞𝐬𝐢𝐭 𝐞 𝐤𝐥𝐮𝐛𝐢𝐭 𝐦𝐨𝐫𝐫𝐞̈𝐧 𝐩𝐣𝐞𝐬𝐞̈ 𝐧𝐞̈ 𝐬𝐡𝐨𝐫𝐭𝐢𝐧 𝐞 𝐔𝐄𝐅𝐀 𝐄𝐮𝐫𝐨𝐩𝐚 𝐋𝐞𝐚𝐠𝐮𝐞

Në Nyon të Zvicrës, drejtuesit e klubit tonë morën pjesë në shortin për raundin e parë kualifikues të UEFA Europa League. Presidenti i klubit, Beqir Batatina, zv. Presidenti Bahri Ademi dhe Menaxheri i ekipit-Sekretari Muhamet Rexhepi, udhëhoqën delegacionin tonë në këtë ngjarje të rëndësishme ndërkombëtare.

Tanimë jemi njoftuar edhe me kundërshtarin e raundit të parë kualifikues, e që është ekipi i respektuar Wisla Krakow, një sfidë që na jep mundësinë për të treguar potencialin tonë dhe për të korrur suksese në skenën ndërkombëtare.

Drejtuesit tanë janë plotësisht të përkushtuar për të arritur rezultate të mrekullueshme dhe për të përfaqësuar me dinjitet klubin tonë në arenën ndërkombëtare.

Me përkushtimin e lojtarëve dhe stafit tonë, ne shpresojmë të arrijmë suksese të mëdha dhe të vazhdojmë të rritemi në këtë kompeticion të ndritur ndërkombëtar.