𝐙𝐞̈𝐯𝐞𝐧𝐝𝐞̈𝐬𝐦𝐢𝐧𝐢𝐬𝐭𝐫𝐢 𝐒𝐲𝐥𝐚 𝐩𝐨 𝐦𝐞𝐫𝐫 𝐩𝐣𝐞𝐬𝐞̈ 𝐧𝐞̈ 𝐩𝐚𝐧𝐚𝐢𝐫𝐢𝐧 𝐞 𝐢𝐧𝐝𝐮𝐬𝐭𝐫𝐢𝐬𝐞̈ 𝐬𝐞̈ 𝐦𝐛𝐫𝐨𝐣𝐭𝐣𝐞𝐬, 𝐬𝐢𝐠𝐮𝐫𝐢𝐬𝐞̈ 𝐝𝐡𝐞 𝐭𝐞𝐤𝐧𝐨𝐥𝐨𝐠𝐣𝐢𝐬𝐞̈ “𝐄𝐮𝐫𝐨𝐬𝐚𝐭𝐨𝐫𝐲 𝟐𝟎𝟐𝟒”, 𝐭𝐞̈ 𝐦𝐛𝐚𝐣𝐭𝐮𝐫 𝐧𝐞̈ 𝐅𝐫𝐚𝐧𝐜𝐞̈

Zëvendësministri i Mbrojtjes, Shemsi Syla, së bashku me ministrin e Punëve të Brendshme, Xhelal Sveçla, ambasadorin Mehdi Halimi, drejtorin e Përgjithshëm të Policisë Gazmend Hoxha dhe me ekipet e Forcës së Sigurisë së Kosovës dhe Policisë së Kosovës morën pjesë në ceremoninë zyrtare të hapjes së panairit më të madh të industrisë së mbrojtjes, sigurisë dhe teknologjisë, “Eurosatory 2024”, që po mbahet në Francë. Në këtë ceremoni ishte i pranishëm ministri i Mbrojtjes së Francës Sébastien Lecornu.

Gjatë kësaj vizite zyrtare, zëvendësministri Syla dhe delegacioni në fjalë do të vizitojnë për disa ditë panairin, për të parë zhvillimin në këto fusha, me synimin për të avancuar ushtrinë dhe policinë tonë.